Ғ.Телебаев: Елдің тұрақтылығы мен дамуын қамтамасыз ету үшін халықтың бірлігі мен біртұтастығын нығайту қажет

2 Наурыз, 2016 15:03

Елдің тұрақтылығы мен дамуын қамтамасыз ету үшін халықтың бірлігі мен біртұтастығын нығайту қажет. ҚР Президенті жанындағы «Қоғамдық келісім» РМК-ның директорының орынбасары Ғазиз Телебаев Strategy2050.kz ақпарат агенттігінң тілшісіне берген сұхбатында осындай ойымен, бөлісті.

«ҚР Президентінің «100 қадамында» төртінші бөлімнің барлығын түгелдей сәйкестік мәселесіне арнағандығы өте маңызды. Өйткені, сәйкестік Қазақстан үшін де өзге елдер үшін де өте маңызды. Қазақстан үшін маңызды болатын себебі ел халқының 90 пайыздан астамы өз тағдырын Қазақстанмен байланыстырады. Олар өздерін осы елдің азаматы санайды. Олар өздерінің тағдырларын осы мемлекетпен байланыстырып отыр»,-деді Ғ.Телебаев.

Оның сөзінше, елдің дамуы мен тұрақтылығы үшін осы сәйкестікті дамыту керек.

«Бұл бір рет берілді және болашақта ылғи да осылай бола береді деген сөз емес. Өмірге жаңа толқын келіп жатыр және біз түрлі, қауіптермен бетпе-бет келіп отырмыз. Бұл туралы Президент те талмай айтып келе жатыр, бұл сыртқы және ішкі қатерлер. Сол себепті сәйкестікті ұдайы жетілдіріп отыру керек»,-деді ол.

«Біз тәуелсіздігіміздің 20 жылдан астам уақытынан бері ел азаматтарының басым бөлігі өз тағдырын Қазақстанмен байланыстырады деп айтып жүрміз. Енді біз өзіміздің сәйкестігіміздің бұрынғыдан да тереңдетуіміз керек. Барлығы өздерін Қазақстан азаматы, бір елдің тұрғыны, бауырлар сияқты сезінулері керек»,-деді Ғ.Телебаев.

Қоғамдық ұйым өкілінің сөзінше, ортақ тарих пен мәдениет сияқты базалық құндылықтары негізінде сәйкестік пен Қазақстан халқының бірлігі дамиды.

Анар Тәңірқұлова