• Басты
  • ҰҚШҰ-ға мүше мемлекеттердің өзара іс-қимылы туралы хаттаманы ратификациялау туралы заң жобасы қаралды
1 Наурыз, 2016 15:49

ҰҚШҰ-ға мүше мемлекеттердің өзара іс-қимылы туралы хаттаманы ратификациялау туралы заң жобасы қаралды

Парламент Сенаты Халықаралық қатынастар, қорғаныс және қауіпсіздік комитетінің кеңейтілген отырысында «Ақпарат саласындағы қылмыстық әрекетке қарсы іс-қимыл бойынша Ұжымдық қауіпсіздік туралы шарт ұйымына мүше мемлекеттердің өзара іс-қимылы туралы хаттаманы ратификациялау туралы» заң жобасы қаралды, деп хабарлады Сенатың баспасөз қызметі.
ҰҚШҰ-ға мүше мемлекеттердің өзара іс-қимылы туралы хаттаманы ратификациялау туралы заң жобасы қаралды

Хаттама ақпараттық қауіпсіздік жүйесін қалыптастыруға, ақпарат саласындағы ыдыратушылық ақпараттық ықпал етулер мен төтенше жағдайларды болдырмауға, сондай-ақ Ұжымдық қауіпсіздік туралы шарт ұйымына мүше мемлекеттердің арнайы қызметтері мен құқық қорғау органдарының ынтымақтастығына құқықтық негіз жасауға бағытталған.

Хаттаманың ережелеріне сәйкес, тараптар ақпараттық кеңістікті ыдыратушылық ықпал етуден қорғау мүддесінде ынтымақтасуға, ақпараттық технологияларды қолдана отырып жасалатын және ұлттық заңнамада конституциялық құрылыстың негізіне және мемлекеттің қауіпсіздігіне қарсы, бейбітшілікке және адамзат қауіпсіздігіне қарсы қылмыстар ретінде сараланатын қылмыстардың белгілері бойынша өзара іс-қимылды жүзеге асыруға, сондай-ақ ақпараттық технологиялар саласында ынтымақтасуға міндетті.

Бұл үшін тараптар мынандай салалардағы ынтымақтастықты жүзеге асыруға құқылы: ақпараттық технологиялар саласындағы қылмыстардың алдын алу, анықтау, жолын кесу, ашу және тергеп-тексеру бойынша ақпарат алмасу, үйлестірілген іс-шаралар мен операцияларды жоспарлау және өткізу, жедел-іздестіру іс-шараларын және процестік әрекеттерді жүргізу туралы өтініштерді орындау, сондай-ақ кадрларды даярлауда және олардың біліктілігін арттыруда жәрдем көрсету, өзара қызығушылық білдіретін проблемалар бойынша бірлескен ғылыми зерттеулер жүргізу. Ынтымақтастық уәкілетті құзыретті орган арқылы жүзеге асырылады, оның сұрау салуы бойынша қажетті жәрдем көрсетілетінін болады. Заң жобасы Палатаның қарауына жіберілді.

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды