К.Мәсімов Ұлттар Достастығының Бас хатшысы Баронесса П.Скотландпен кездесті
1 Наурыз, 2016 15:03
Үкімет Үйінде Қазақстан Республикасының Премьер-Министрі Кәрім Мәсімов Астанаға ресми сапармен келген Ұлттар Достастығының Бас хатшысы Баронесса Патриция Джанет Скотландпен кездесті, деп хабарлады Премьер-Министрдің ресми сайты.
Келіссөздер барысында тараптар құқықтық саладағы өзара іс-қимыл мәселелерін талқылап, қазақстандық-британдық стратегиялық әріптестікті тереңдетудің маңыздылығын айтып өтті.
Сондай-ақ, ЭКСПО-2017 Халықаралық мамандандырылған көрмесі аясындағы ынтымақтастық перспективалары қаралды.
Кездесу қорытындысы бойынша К.Мәсімов пен П.Скотланд өзара қарым-қатынастарды одан әрі тереңдетуге ниет білдірді.
