Ақтауда «жасыл» электр қуатын өндіретін қоқыс өңдеу зауыты салынады

«Биыл экология саласында ірі жобалар қолға алынуда: Жаңаөзен қаласында қатты тұрмыстық қалдықтарды қайта өңдеу, көму және кәдеге жарату комбинатының құрылысы, Ақтау қаласында «жасыл» электр қуатын өндіретін кешенді қоқыс өңдеу зауытының құрылысы», - деді әкім.

Өңірдегі ірі экологиялық проблеманың Қошқар ата қоймасы болып табылады.

«Біз аталмыш көпжылдық және өте нәзік мәселені бірте-бірте шешу үшін жан-жақты шараларды қарастыруымыз керек, нақтырақ айтсақ «Қошқар ата» құрамында уран бар химиялық өндіріс қалдықтарын қалпына келтіруіміз керек», - деді А.Айдарбаев.

Қолымыздағы мәлімет бойынша, 11,2 мың Кюри белсенділігіндегі 105 млн тонна токсиндық және радиоактивтік қалдықтар көмілген жерде радиоактивтік және химиялық әсердің бар екені рас.

«Биыл біз техникалық экономикалық негіз дайындап, жерді қалпына келтіру бойынша мемлекеттік сараптамашның оң бағасын алдық. Келер жылы жергілікті бюджет есебінен жобалық-сметалық құжаттары дайындалады. 10 жыл ішінде аталмыш жобаны толықтай орындап біту үшін 25,9 млрд теңгеге қажеттілік бар»,- деп түйіндеді әкім.