Жыл соңына дейін ШҚО-да Индустрияландыру картасы бойынша 3 кәсіпкерлік іске қосылады

15 Қараша, 2013 14:27

2013 жылдың соңына дейін Шығыс Қазақстан облысында 3 кәсіпкерлік іске қосылады. Олар қолғап шығару және алтын өндіріп алатын цех, ЖБИ өндіру комбинаты қолданысқа беріледі, деп ШҚО ақпараттық орталығы хабарлады.

«Аягөз ауданы бойынша Индустриализация Картасына енген Токарлық алтын өндіру фабрикасы және Семей қаласында темір-бетон өнімдерін шығарудың комбинаты осы жылдың соңына дейін құрылыстары аяқталып, оларды іске қосу жоспарға алынды», - деп хабарламада нақтыланған.

2013 жылдың бірінші жарты жылдығында жалпы құны 2,5 млрд теңгені құраған 4 жоба іске қосылды. Олар – Ұлан ауданындағы «Айтас МП» ЖШС-інде шұжық өнімдерін өндірудің жаңа цехы, Семей қаласында орналасқан «Alina Pro» ЖШС-нің құрамында ұсақталған толтырғыш өнімін өндіру арқылы зауыт құрылысын кеңейту жұмыстары, Аягөз ауданындағы «Қамқор Локоматив» ЖШС-нде жартылай вагондарына қажет люк қақпақтарынының өндірісін жандандыру, Зырян ауданында «Мелада» ЖШС-сі қолға алған дем алу кешенінің құрылысы.

Жүзеге асқан жобалардың негізінде жаңадан 8 мың жұмыс орындары ашылды. 282 млрд теңге көлемінде қосымша өнеркәсіп өнімдері өндіріліп, салық түсімдері есебінен бюджет 27,9 млрд теңгеге толықты.

Жалпы, Шығыс Қазақстан облысының Индустриализация Картасына енген 53 инвестициялық жобаның жалпы құны 651,8 млрд. теңгені құрайды. Қазіргі таңда оның 33-і жүзеге асуда.

Барлық жаңалықтар