АШМ мәжілісмендерге астық қолхаттарының электронды тізілімін таныстырды

15 Қараша, 2013 14:08

Ауыл шаруашылығы минитсрлігі астық базасында астық қолхаттарының мемлекеттік электрондық тізілімінің жүйесінің көрсетілімін Қазақстан Республикасы Парламенті Мәжілісінің Аграрлық мәселелері комитеті депутаттарына, мемлекеттік инспекция комитетінің астық инспекторларына және астық қабылдау кәсіпорны жұмыскерлеріне көрсетті, деп ведомствоның баспасөз қызметі хабарлады.

«АҚМЭТ астық қабылдау кәсіпорындарында астық қолхаттарын және зертханалық деректерді тіркеу процесін автоматтандырып, қатаң есептілік бланкілерінің мониторингісін жүргізуге мүмкіндік береді», - деп хабарламада нақтыланған.

Осы ұсыныстардың мәні АҚК қағаз түріндегі астық қолхатын жазумен бірге жалпы республика бойынша ақпаратты жалпылайтын электрондық тізілімде тіркеу жүргізуге міндетті болуында. Қағаз қолхаты электрондық тізілімде тіркелмесе ол құжат жарамсыз болып есептеледі.

Өз кезегінде, АҚМЭТ нақты АҚК техникалық сыйымдылығының көлемінен асатын астық қолхаттарының тіркеу әрекеттерін автоматты түрде тоқтататын болады (мысалға, егер АҚК сомалық техникалық сыйымдылығы 100 мың тонна болса, АҚМЭТ-де 101 мың тоннаға астық қолхатын тіркеу мүмкін болмайды).

Қазіргі уақытта осы жаңашылдық Қазақстан Республикасы Парламентінің Мәжілісінде жұмыс барысында қаралуда.