Қазақстан мен Беларусь әскери-техникалық ынтымақтастық перспективаларын талқылады
15 Қараша, 2013 13:09
Бүгін Астанада әскери-техникалық ынтымақтастық жөніндегі Қазақстан-Беларусь шағын комиссиясының төртінші отырысы болды, деп Қорғаныс министрлігінің баспасөз қызметі хабарлады.
«Пленарлық отырыстың жұмысына Қазақстан мен Беларусь елінің бірқатар салалық министрліктерінің, ведомстволары мен қорғаныс кәсіпорындарының өкілдері қатысты. Келіссөздер барысында қатысушылар Қазақстан - Беларусь әскери-техникалық ынтымақтастығының, қорғаныс-өнеркәсіптік кешендерін одан әрі дамытудың, сондай-ақ екі ел өзара іс-қимылының нормативтік-құқықтық базаларын жетілдірудің өзекті мәселелерін талқылады», - деп хабарламада нақтыланған.
Тараптар бірлескен жобаларды іске асыру шеңберінде әскери техникалық ынтымақтастықты әрі қарай дамытуға мүдделілік білдірді.
Сондай-ақ, шағын комиссия төртінші отырысының қорытындысы бойынша тараптар тиісті екіжақты хаттамаға қол қойды.
