• Басты
  • Қазақстанның армиясы отандық өндірістің мобильді байланыс құралдарымен жабдықталды
29 Ақпан, 2016 20:27

Қазақстанның армиясы отандық өндірістің мобильді байланыс құралдарымен жабдықталды

2015 жылы «С.М. Киров атындағы зауыт» АҚ-тың отандық кәсіпорны Қазақстанның Қарулы Күштеріне 40-тан аса заманауи мобильді байланыс құралдарын жеткізіп берді, деп хабарлады Қорғаныс министрлігі.
Қазақстанның армиясы отандық өндірістің мобильді байланыс құралдарымен жабдықталды

Техника байланыс әскерлерінің тапсырмаларын іске асыру үшін арналған.

 «Кәсіпорнымыз республикамыздың Қарулы Күштерінің жарақтандыруында тұрған байланыс жүйелерін жаңғыртумен айналысады. Баламалы ұқсас базаны біз сандық элементтік базаға көшіреміз. Бұл мобильді қашықтық байланыс кешендері, КАМАЗ-дардың шассиіне арналған реттегіш станциялары, көкжиектен тыс орналасқан станциялар немесе тропосфералық байланыс және тағы басқа», - деді «С.М. Киров атындағы зауыт» АҚ-тың бас директоры Марат Әбілмәжінов.

2011 жылдан бастап соңғы 5 жыл ішінде зауыт – «Қазақстан инжиниринг» ҰК» АҚ-тың еншілес кәсіпорны еліміздің Қарулы Күштері үшін 100-ден аса мобильді байланыс құралдарын жасап шығарғанын айта кетейік. Жылына кәсіпорынның аталмыш станциялардың 50-80 данасын жеткізуге мүмкіндігі бар.

Жалпы алғанда, «С.М. Киров атындағы зауыт» еліміздің Қарулы Күштеріне бірқатар бірегей байланыс станцияларын ұсына алады. Жабдық қысқа толқынды арналар арқылы деректерді, мәтіндік, факсимильді, телеграфтық және сөздік хабарламаларды тарату үшін автоматтандырылған техникалық құралдар кешенінен құралған.

Отандық кәсіпорынның өніміне сонымен қатар қысқа толқынды радиобайланыс жүйелерінде баламалы және дискретті үлгіде ақпаратты тарату, қабылдауға арналған стационарлық радиобайланыс жабдығы және жоғары өтімді қабілеттілікті, санды қызметтік байланысты, ғаламтор желісі арқылы сандық лектерді таратуды қамтамасыз ететін стационарлық санды радиореттегіш станциясы кіреді. Сондай-ақ зауыт цехтарында Р-414 көп арналы радиореттегіш станциялардың модельдерін, П-240 ТМ аппараттары мен тропосфералық станцияларды жаңғырту жүргізіледі.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды