ҚР Сыртқы істер министрі қазақстандық және халықаралық ҮЕҰ өкілдерімен кездесті

15 Қараша, 2013 12:36

Кеше, 14 қарашада ҚР Сыртқы істер министрі Ерлан Ыдырысов қазақстандық және халықаралық ҮЕҰ өкілдерімен кездесті, деп хабарлайды ҚР СІМ баспасөз қызметі.

«Кездесу барысында Қазақстанда және халықаралық дәрежеде саяси даму мәселелері бойынша әріптестіктің болашағы талқыланды», - делінген хабарламада.

Министр ұлттық және халықаралық ҮЕҰ-ды, Қазақстанның батыстық әріптестерін еліміздегі мемлекеттік құрылыс мәселесі бойынша «Қазақстан-2050» Стратегиясы» аясында құрылымды және жария жұмысқа шақырды.

өз кезегінде ҮЕҰ өкілдері мен ICNL өздерінің Қазақстандағы тәжірибесі кеңестік кезеңнен кейінгі елдерге үлгі бола алатындығын айтты.

Үкіметтік емес ұйымдардың жетекшілері Қазақстанның құқықтық және үкіметтік емес сектор бойынша мемлекеттік арнайы тапсырыс қызметінен жетекші орында екенін атап өтті.

«Қазақстанның тәжірибелік ерекшелігі мен азаматтық сектордағы жақсы жағдайы ортаазиялық үкіметтік емес ұйымдарының баяндамасында ескерілді», - деп хабарламада нақтыланған.

Айта кетейік, Е. Ыдырысов үкіметтік емес ұйымдардың өкілдерімен VI Азаматтық форум аясында кездескен болатын.