Индустрияландыру картасына маңғыстаулық 34 жоба енді – А. Айдарбеков
«Елдегi Индустрияландыру картасына 34 маңғыстаулық жоба енді. Оның 2-уi республикалық картаға енсе, 32-сi өңiрдiк картаға енгiзiлдi. Жобалардың жалпы сметалық құны 280 млрд теңгенi құрайды. Олар жүзеге асырылған жағдайда 8 800 маңғыстаулық жұмыспен қамтамасыз етiледi. Қазiргi таңда жалпы сметалық құны 131,4 млрд теңгенi құрайтын аяқталған 23 жобада 1 800 адам еңбектенуде», - дедi облыс басшысы.
Оның айтуынша, соңғы үш жылда облыстағы өнеркәсiп өнiмiнiң көлемi 1,3 есе өсiп, 2 трлн 170 млрд теңгенi құрады. Ағымдағы жылы 1,7 трлн теңгеге өнеркәсiп өнiмi дайындалған.
Аймақ басшысы, сондай-ақ, фармацевтикалық кешен мен полиэтилен дайындайтын зауыттың іске қосылуы жоспарланып отырғандығын айтты.
«Жалпы, жан басына шаққандағы инвестиция көлемi бойынша Маңғыстау облысы республикадағы үздiк үштiкке кiредi. Атап өту керек, 2012 жылы бұл көрсеткiш 698 мың теңгенi құрады», - дедi А.Айдарбаев.
