• Басты
  • Сайлау күні қазақстандықтар арасында сауалнама жүргізіледі
25 Ақпан, 2016 11:56

Сайлау күні қазақстандықтар арасында сауалнама жүргізіледі

20 наурызда елімізде Мәжіліс және барлық деңгейдегі мәслихаттар сайлауы өтеді. Осы күні «Қоғамдық пікір» зерттеу институты қазақстандықтар арасында сауалнама жүргізеді. Бұл туралы бүгін ҚР Орталық коммуникациялар қызметінде өткен брифингте институттың атқарушы директоры Айгүл Сәдуақасова айтты.
Сайлау күні қазақстандықтар арасында сауалнама жүргізіледі

«Біздің елде үлкен саяси науқан жүріп жатыр. Соның нәтижесінде 20 наурыз күні Мәжіліс және мәслихаттарға депутаттар сайланады. Осы күні "Қоғамдық пікір" зерттеу институты өзінің зерттеуін өткізіп, сайлау учаскелерінен шыққан сайлаушылар арасында сауалнама жүргізеді. Бұл жалпы стандартты әдіс. Сайлау учаскесінен дауыс беріп шыққан әрбір бесінші сайлаушы сауалнамаға қатысады», - деп хабарлады А.Сәдуақасова.

Оның айтуынша, Қазақстанның барлық өңірлері, Астана, Алматы қалаларының сайлаушылары қамтылады. Жалпы, республика бойынша 110 сайлау учаскесін қамту жоспарланған.

«Олардың ішінде облыс орталықтарында, Астана, Алматы қаладарында 56 сайлау учаскесі, шағын қалаларда 28 және ауылдық округтерде 26 сайлау учаскесі іріктелініп алынады. Жалпы, сауалнама қорытындысы күннің соңында және заңмен бекітілген ережелерге сәйкес беріледі. Зерттеуге 200-ге жуық интервьюер қатысады», - деп атап өтті ол.

Сауалнама нәтижелері бұқаралық ақпарат құралдарына 21 наурыз күні сағат 00.00-де жеткізіледі. 

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды