Сербия ЭКСПО-2017 көрмесіне қатысуға мүдделі
25 Ақпан, 2016 15:19
Белградта Қазақстанның Сербиядағы елшісі Нұрбах Рүстемова мен Сербия Республикасының Президенті Томислав Николичпен және бірінші вице-премьер, Сыртқы істер министрі Ивица Дачичпен кездесті, деп хабарлады СІМ.
Кездесу барысында Қазақстанның Президенті Нұрсұлтан Назарбаевтың Белградқа бару сапары мен Сербия премьер-министрі Александр Вучичтің Астанаға АЭФ IX жұмысына қатысқандығы, Сербияның ЭКСПО-2017 көрмесіне қатысуы талқыланды.
«Сербия Президенті Қазақстан мен Сербияның саяси қарым-қатынасына жоғары баға берді. Сондай-ақ, Елбасы Нұрсұлтан Назарбаевтың алғаш рет Сербияға сапарын тағатсыздана күтіп жүргендігін айтты», - делінген хабарламада.
Сербияның сыртқы істер басшысы Қазақстанға Сербияның бірқатар халықаралық шешімді қабылдауында қолғабыс көрсеткені үшін алғыс айтты. Сондай-ақ, Сербияның ЭКСПО-2017 көрмесіне қатысатындығы расталды.
