«Made in Kazakhstan» диалогтық алаңында ҚР-ның тауар өндірушілері 33,6 млрд теңгенің тапсырысын алды
«Біз соңғы үш жыл мониторингінде субъектілерді сатып алудағы жергілікті қамтамасыз етудің тұрақты оң динамикасын байқап отырмыз. 2013 жылдың соңғы 9 айында жалпы қазақстандық қамтамасыз етудің үлесі 14,1% құрап, 467,2 млрд теңгеге жетті. Тауар, жұмыс пен қызмет көрсету көлемі 6 146,1 млрд теңгені құрады. Соның ішінде отандық үлес 3 781,7 млрд теңге, яғни 61,5%», - деді Премьер-Министрдің орынбасары Индустрия және жаңа технологиялар министрі Әсет Исекешев.
Министрдің айтуынша, министрлік бүгінде «Офсеттік саясат туралы» Заң жобасын дайындап қойды. Офсеттік әріптестік арқылы өнеркәсіпті жергіліктендіру жоспарланып отыр және де жоғарғы технологиялы өнімдерді өндіру бойынша біріккен кәсіпкерлік құру, жергілікті халықты үйрете отырып жұмыс істейтін технологияны өткізу, жөндеу мен орнатылған қондырғыға қызмет көрсету жұмыстарын қосатын өнеркәсіптік ұйымдар құру қарастырылуда.
Ал вице-министр Қазақстанда отандық тауар өндірушілерді қолдайтын жаңа құралдар енгізілетінін хабарлады.
«Қазіргі таңда көптеген ірі компаниялар, соның ішінде облыстық жер қойнауын игеру операторлары (Тенгизшевройл, Қашаған, Қарашығанақ) біздің кәсіпкерліктерге әлемдік деңгейдегі сертификат алуды талап етіп отыр. Мұндай құнды шара кәсіпкерліктің жаңғыруына септігін тигізеді. Сол үшін біз тауарларды, қызмет көрсету мен жұмыстарды, менеджмент жүйесін әлемдік стандарттарға (ISO, АPI, АSTM және т.б.) сай сертификаттау шығынының 50 пайызын көтеретін механизмі құрдық. Аталмыш жұмыстар келер жылдан бастап іске кіріспек», - деді Әсет Исекешев.
