Ақтөбе облысында Ор өзені арқылы өтетін жаңа көпір ашылды
14 Қараша, 2013 18:27
Хромтау ауданының Көктау ауылында Ор өзені арқылы жаңа көпірдің салтанатты ашылу рәсімі өтті. Жаңа көпір республикалық бюджеттен бөлінген 419 миилион теңге қаржыға салынды, деп Ақтөбе облысының ішкі саясат басқармасы хабарлады.
«Хромтау ауданындағы Ор өзенінің үстінен салынған жаңа көпірдің құрылысы. Бұл көпір өткелі Көктау және Көктөбе елді мекендерінің арасын жалғап тұр. Бұл көпір арқылы «Батыс Еуропа – Батыс Қытай» халықаралық жолына бірден түсуге болады», - деп хабарламада нақтыланған.
Жаңа көпір республикалық бюджеттен бөлінген 419 миилион теңге қаржыға салынды.
«2013 жылы ғана осы мақсатқа 8 миллиард теңгенің үстінде қаражат бағытталса, солардың басым бөлігі (76%) жергілікті бюджетке тиесілі болып отыр. Осы жылдың аяғына дейін 55 шақырым автожол және 3 көпір өткелін жөндеуді жоспарлап отырмыз», -деді облыс әкімі Архимед Мұхамбетов.
