ӨДМ мекемелерді жобалау бойынша мемлекеттік сараптама жүргізу жүйесін дайындауда – Б. Жәмішев
14 Қараша, 2013 17:48
Өңірлік даму министрлігі мекемелерді жобалау бойынша мемлекеттік сараптама жүргізу жүйесін дайындауда. Бұл туралы Орталық коммуникациялар қызметінің баспасөз отырысында Өңірлік даму министрі Болат Жәмішев мәлімдеді.
«Жоба жасау iсiндегi олқылықтарды мемлекеттік сараптама бiлуi тиiс. Егерде мемсараптама оларды өткiзiп жатса, мәселе мемлекеттiк сараптаманың өзiнде болып отыр деген сөз. Бiз қазiр өз тарапымыздан мемлекеттiк сараптама жүргiзудi дамыту мәселесiн қарастырып жатырмыз»,- деп толықтырды министр.
Оның айтуынша, Өңiрлiк даму министрлiгiнде арнайы қызметтiк тергеу жүргiзу тапсырылған.
«Жобалық ұйымдардың сапалы жобалау жұмыстарын жүргiзуiне арнайы талдау жүргiзiлген болатын. Бұл жұмыс айтылған сыннан кейiн ғана емес, оған дейiн де әрдайым жүргiзiлiп тұрады. 9 айдың iшiнде 567 жобалау ұйымы тексерiстен өтiп, 5 жоба лицензиясынан айрылды. 12 жоба бойынша лицензия уақытша тоқтап тұр»,- дедi Б.Жәмiшев.
