Е.Сағынаев: Қазақстандағы жалпы заңдастырылған қаржы 205 млрд. теңгені құрады

«Бүгінгі таңда Қазақстанда заңдастырылған жалпы қаржы көлемі 205 млрд. теңгені құрады. 2015-ші жылдың 1-ші желтоқсанына дейін инвестицияланған ақша туралы айтар болсақ, біз ол қаржылардың қайда инвестицияланғанын бақыладық. 2015-ші жылдың 1-ші желтоқсанына дейін экономикаға инвестицияланған қаржы көлемі 42 млрд. теңгені құрады.  Бұл екінші деңгейлі банктертердің облигациясын инвестициялауға жұмсалған»,-деді ол.

Оның айтуынша, заңдастырылған қаржылар мемлекеттік нысандарға жұмсалуы мүмкін.

«Қаржысы заңдастырылған тұлғалар енді өз ақшаларын ешқандай шектеусіз, қалаулары бойынша жұмсай алады. Бұл мәселеде біз қадағалау жасамаймыз. Заңдастыру жасаған субъектілердің жекешелендіру бағдарламасын қолдануларына құқық берілетінін айтқымыз келеді. Заңдастырылған қаржылар басқа да мемлекеттік нысандарға жұмсалуы мүмкін»,- деп хабарлады Е.Сағынаев.