Үкіметте 2030 жылға дейінгі ҚР-ның аумағын ұйымдастырудың бас кестесі таныстырылады – Б.Жәмішев

14 Қараша, 2013 17:05

16 қарашада Үкіметте Премьер-Министр Серік Ахметовке республика аймағын ұйымдастырудың бас кестесі таныстырылады, деп мәлімдеді Өңірлік даму министрі Болат Жәмішев ОКҚ брифингінде.

«Алдағы сенбіде ҚР Үкімет басшысына ҚР аумағын ұйымдастырдың бас схемасы таныстырылады. Бас кесте – мемлекеттік барлық бағдарламалар мен жобалар негізінде құрылатын 2030 жылға дейінгі құжат. Бұл кешенді құжат өңірлердің даму болашағын анықтайтын елдің басты құралы болмақ», - деді министр.

Өңірлік даму министрінің айтуынша, аталмыш кешенді кесте өңірлердің дамуының алғышарты болмақ.

Бұл кесте алдағы үш жыл ішінде дайындалмақ. Бұл кесте көбіне Экономика және бюджетті жоспарлау министрлігі жұмысының негізі және құралына айналмақ. Сол үшін аталмыш министрлік өңірлерді нақты жіктеу үшін бар мүмкіндікті қолданып жұмыс істемек.

«Қазір біз аталмыш ведомствомен бірігіп Өңірлік даму министрлігі өзге мемлекеттік орган жұмысына араласпас үшін уәкілеттіліктерді анықтап, жіктеу үстіндеміз. Осылайша нақты аумақтық даму механизмі қалыптаспақ. Бұл министрлік өңірлерді дамыту болашағының мүмкіндіктеріне қатысты қызмет етпек», - деді Б.Жәмішев.

Барлық жаңалықтар