Қазақстан Әскери-әуе күштерінің ұшқыштары алғаш рет теңіз үстінде ұшуларын пысықтады (ФОТО)
Теңіз үстінде ұшу күрделі болып саналады. Кәдімгі дайындықтан басқа ұшу ауданын зерделеу, ауа райы жағдайын, штурмандық ұшу есептобын талдауды ұшқыштар қосымша іздестіру-құтқару корабльдері мен әуе кемелерінің орналасуын, олармен өзара әрекет жасау тәртібін, жағалық жарық және радиомаяктардың жұмыс жасау режімдерін зерделеуі тиіс.
Одан басқа, әскери қызметшілер әуе навигациясының радиотехникалық құралдарының бүтіндігін, жеке құтқару құралдарының болуын тексеруі тиіс еді.
Ұшулар бағдарсыз жерде өтуіне әрі көкжиектің теңізбен сарқылуына байланысты ұшқышқа түсетін психологиялық жүктеме анағұрлым күшейеді. Бұл қосымша моральдық-психологиялық дайындықты қажет етеді.
«Теңіз үстінде ұшуға кірісе отырып, біз экипаждарымыздың ұшу тұрғысындағы жаттықтырылу деңгейін арттырамыз. Нәтижесінде бұл жалпы алғанда, әскери-әуе күштерінің жауынгерлік әзірлік деңгейін арттырады, ал бұл дегеніміз бірінші кезектегі міндет», - деп ҚР ҚК ӘҚК ӘӘК-нің қолбасшысы авиация генерал-майоры Дәурен Қосанов атап өтті.
Ашық теңіз (бейтарап сулар) – бұл қандай да бір мемлекеттің аумақтық, архипелагты және ішкі суларынан тысқары орналасқан және халықаралық құқық қағидаттары мен нормаларына сәйкес еркін және тең құқықтық пайдалануда тұрған теңіз кеңістігі екенін айта кетейік.
