Жыл соңына дейін «Павлодар» арнайы экономикалық аймағында 2 кәсіпорын іске қосылады

14 Қараша, 2013 16:20

Павлодар облысында жыл соңына дейін 2 жаңа кәсіпорын іске қосылады. Ол тұзды қышқыл мен тұрмыстық химия өндіреді, - деп облыс әкімдігінің баспасөз қызметі хабарлады.

«Мемлекет басшысының тапсырмаларын орындау барысында арнайы экономикалық аймақтарды белсенділету мақсатында «Павлодар» арнайы экономикалық ай мағында 2 кәсіпорын іске қосылады. Бұл тұзды қышқыл өндіретін «Каустик» АҚ зауыты мен «Белизна- ПВ» ЖШС тұрмыстық химия өндіретін зауыты.Павлодар облысының әкімі Ерлан Арын аталмыш ошақтардағы технологиялық үрдістің жүзеге асуымен танысты», - деп хабарламада нақтыланған.

«Каустик» АҚ-да өндіріс бағыты бойынша монтаждық жұмыстар аяқталды.

Сондай-ақ, жылына тұзды қышқыл өндіру қуаттылығы 45 мың тоннаны құрап отыр. Ол отандық импорттық тауарды 100 пайызға алмастара алады.

Қазіргі таңда Қазақстанда қолданылатын тұзды қышқыл ауқымы Ресей, Өзбекстан, Қытайдан импортталып отыр.

«Белизна-ПВ» ЖШС монтаждық жұмыстарды аяқтады. Шығару-құрастыру жұмысы технологиялық үрдісті жүзеге асыру үшін тәжірибе жинақтауға бағытталды. Оның іске қосуының инвестициясы 97,5 млн теңгені құрайды», - деп баспасөз қызметі хабарлады.

Барлық жаңалықтар