Армиялық құзға өрмелеушілер Таиландтағы 30-ға жуық күрделі бағдарлардан өтті

20 Ақпан, 2016 15:34

Қазақстанның мықты құзға өрмелеушілері, яғни, ҚР Қорғаныс министрлігі Армия орталық спорт клубының әскери қызметшілері кіші сержанттар Артем мен Никита Девятериковтар Таиландтың Краби қаласындағы Тонсай аралында оқу-жаттықтыру жиынын аяқтады, деп хабарлады Қорғаныс министрлігі.

Армиялық спортшылар Қазақстан Республикасы құрамасының құрамында жаттықты. Шыңға өрмелеушілердің басты міндеті 8 (а)-дан бастап 8 (с)-ға дейін неғұрлым көп күрделі бағдардан өту болды. Барлығы армияшылар шамамен 30 бағдардан өтті. Артем мен Никита Девятериковтар халықаралық дәрежедегі спорт шеберлері болып табылады.

Бұл дарынды спортшылардан қазақстандық және әлемдік әскери спорт әлемінде үлкен үміт күтуге болады. 25 ақпанда «жылдамдық» және «болдеринг» түрлерінде спорттық құзға өрмелеу бойынша Қазақстан Республикасы кубогы бірінші кезеңінің сайысы басталатынын айта кетейік. Одан басқа, ақпанның 1-і мен 14-і аралығында Қырғыз Республикасының Ала-Арша шатқалында халықаралық альпинизм фестивалі аясында өткізілген техникалық дәрежедегі альпинизмнен әлем чемпионаты өтті.

Сайысқа Қазақстан, Қырғызстан, Ресей және Украинаның 9 командасы қатысты. Қазақстандық құраманың негізгі құрамында альпинизмнен 1-дәрежелі спортшы ҚР ҚК-нің қызметкері Тұрсынәли Әубәкіров қатысты. Халықаралық альпинизм фестивалінің қатысушыларына 5 (а)-дан бастап 6 (а)-ға дейінгі күрделі санаттағы шыңды бағындыруға тура келді.

Барлық жаңалықтар