Ақтөбе облысында жастар арасындағы жұмыссыздық деңгейі 2,4 пайызды құрады

«Ақтөбе облысы статистика департаментінің мәліметіне сәйкес, жастар арасындағы жалпы жұмыссыздық деңгейі ағымдағы жылдың ІІ-тоқсанында 2,4%-ды құрайды. Облыстағы тіркелген жұмыссыз жастардың саны ағымдағы жылдың   1 қарашасына 402 адамды құрайды. Оның ең көп бөлігі қалада – 206 адам, Мұғалжар – 65 және Алға ауданында – 22», - деп хабарламада нақтыланған.   

Жастар жұмыссыздығының алдын алу және жастарды жұмыспен қамту мақсатында облысымызда «Дипломмен ауылға», «Жастар практикасы», «Жасыл ел» еңбек жасақтары республикалық жастар жобалары сәтті жүзеге асырылуда. 

 «Дипломмен ауылға!» жобасы аясында 2012 жылы 398 түлек жұмысқа орналасты. Оның ішінде, білім  беру  саласы  бойынша – 333, денсаулық сақтау - 44, мәдениет–4, спорт–3, әлеуметтік қорғау-1, ауыл шаруашылығы-13 маман бар.