2017 жылдың соңына дейін Алматы облысында 15 мектеп салынады
18 Ақпан, 2016 18:13
Алматы облысында 2017 жылдың соңына дейін апаттық және үшауысымды мектептерді жою үшін 15 мектеп салу жоспарланған, деп хабарлады өңірдің әкімдігі.
2015 жылы пайдалануға 19 жаңа мектеп салынды. Оның 5-уі апаттық жағдайдағы,10 үшауысымды мектептің мәселесін шешуге бағытталды.
«Мемлекет басшысының тапсырмасы бойынша, 2017 жылдың соңына дейін апаттық жағдайдағы мектептер мен үшауысымды мектептердің мәселесін шешу қарастырылған», - делінген хабарламада.
Айта кетерлігі, облыс мектептерінде 35 мың 700 мұғалім бар. Өткен жылы жұмысқа 1281 жас адам орналасты. «Дипломмен ауылға» бағдарламасы бойынша 363 адам жұмысқа тұрды.
