2020-шы жылға дейін Алматы облысының газдандыру деңгейі 64%-ға жетеді - әкімдік

18 Ақпан, 2016 20:27

Алматы облысында Алматы қаласының іргесіндегі төрт ауданға қарасты 96 елді мекен газдандырылды. Бұл 15 пайыздық көрсеткішті құрайды, деп хабарлады аймақтың баспасөз қызметі.

Дәл бүгінгі таңда 265 шақырымдық Алматы-Талдықорған газ құбыры магистралінің 210 шақырымы жүргізілген.

Газ құбыры құрылысының жұмысы аяқталғанша Талдықорған қаласы мен елді мекендердің ішкі газ тарату жүйесінің жұмыстары атқарылатын болады.

«Бұл мақсатқа биыл жергілікті бюджеттен 3 млрд. теңге бөлініп отыр. Сонымен қоса, «Казтрансгаз» АҚ-ы «Ақши», «Балпық би» газ жеткізу стансаларының құрылысын салады және Жамбыл, Іле, Талғар, Ескелді аудандарының 12 елдімекеніне, Текелі және Талдықорған қалаларына газ жүйелері жүргізіледі»,-деп хабарландыруда айтылған.

Сонымен қатар, Еуропалық банктың қаржыландыруымен 4,6 млрд. теңгеге газдандыру жұмысының төртінші кезеңі жүргізілетін болады. Бұның нәтижесінде 2020-шы жылға қарай газдандыру деңгейі 64%-ға жетпек.

Барлық жаңалықтар