2016 жылы әлеуметтік медициналық сақтандыру қоры құрылады
«ҚР ДСӘДМ мамандары міндетті әлеуметтік медициналық сақтандыру бойынша Жол картасын әзірлеп, бекітті. Аталған құжатқа сәйкес, былғы жылы нормативтік-құқықтық база жасалып, Әлеуметтік медициналық сақтандыру қоры құрылатын болады (әрі қарай – ӘМСҚ)», - деді Т.Дүйсенова.
Бұл 2017 жылғы 1 қаңтардан бастап белгіленген соманы жинақтау және 2017 жылғы 1 шілдеден бастап ӘМСҚ арқылы медициналық қызметтер төлемдерін жүзеге асыруға мүмкіндік береді.
«Кадрларды дайындау сапасын арттыру мақсатында қазақстандық медициналық ЖОО мен үздік шетелдік медициналық мектептердің арасында тығыз ынтымақтастық орнатылып, әрі қарай университеттер сенімгерлік басқару түріне берілетін болады. Нәтижесінде, ЖОО-ды автономдау қамтамасыз етіліп, талапкерлерді арнайы тест көмегімен таңдау тәсілдері жаңғыртылады, жаңа оқыту бағдарламалары енгізіледі. Сонымен қатар, білім беру процестерін, ғылыми қызмет және медицинаның практикасын біріктіруге мүмкіндік беретін университеттік емханалар құрылады», - деді министр.
Индира Кауметова
