Қ.Бозымбаев: Павлодар облысында 2020 жылға дейін 230 жаңа сумен жабдықтау нысаны салынады
18 Ақпан, 2016 19:02
Соңғы 5 жыл ішінде Аудан аумағын дамыту бағдарламасы аясында ауылдық сумен жабдықтауды дамыту бойынша мемлекеттік бюджеттен 6,2 млрд теңге бөлінді, деп Павлодар облысының әкімі Қанат Бозымбаев халық алдындағы есеп беру кездесуінде айтып өтті.
Оның айтуынша, сумен жабдықтау нысаны 15 ауылдық елді мекенде салынды, 30 мыңнан астам ауыл тұрғындарының сумен жабдықталуы жақсарды.
«Желқұдық ауылында сумен жабдықтау жүйесін қайта жаңарту бойынша жұмыстар аяқталды. Ертіс ауданында ішкі-су құбырын жөндеу аяқталды және ол Ертіс ауылында үйлеріне суды кіргізуге септігін тигізеді»,-деді аймақ басшысы.
Оның айтуынша, жалпы облыста 103 км сумен жабдықтау жүйесі салынды.
«Бұл жұмысты жалғастыру үшін аймақтық жоспар бекітілді, соның арқасында 2020 жылға дейін 230жаңа сумен жабдықтау нысанын салу жоспарланған»,-деді ол.
