• Басты
  • Көкшетауда зағип жандар арасында тоғызқұмалақтан жарыс өтті

Көкшетауда зағип жандар арасында тоғызқұмалақтан жарыс өтті

18 Ақпан, 2016 20:43
Қазақстан Республикасының тәуелсіздігіне 25 жыл толуына орай елімізде мерекелік шаралар ұйымдастырылып жатыр. Көкшетаудағы зағип жандар арасында тоғызқұмалақтан жарыс өтті, деп хабарлады Ақмола облыстық Ішкі саясат басқармасына қарасты «Ақмола Медиа Орталығы».

Аталмыш шараға Ақмола облыстық мүмкіндігі шектеулі жандарға арналған «Мерген» спорт клубы бастамашы болған.

Тоғызқұмалақ – бұл ертеден келе жатқан қазақтың дәстүрлі ұлттық ойыны. Анығы осыдан төрт мың жыл бұрын пайда болған. Бұл ұлттық ойынды ойнаушылар жыл сайын артып келеді.

Тоғызқұмалақты Ыбырай Алтынсарин, Абай Құнанбайұлы, Шоқан Уәлиханов сынды қазақтың белгілі интелегнция өкілдері ойнағанын да айта кеткен жөн. 

Ойынның әр партиясындағы мақсат – өз қазаныңа барынша қарсыласыңның құмалақтарын жинап алу. Ерекшелігі – логикалық ойлау мен математикалық қабілетіңді дамытуға таптырмас ойын. 

Бұл жолы арнайы сыйлық пен медальдар сарапқа салынған жарыста бақтарын сынау үшін қалалық зағиптар қоғамының клубына  20 спортшысы жиналды. 

Барлық жаңалықтар