ОҚО-да сайлауды бақылау жөніндегі өңірлік жәрдемдесу орталығы ашылды

Д.Шерімқұловтың айтуынша, сайлауды бақылау жөніндегі қоғамдық комиссияның басты міндеті - сайлау мерзімі мен дауыс беру кезінде барлық процесті бақылап, науқанның заң шеңберінде өтуін қадағалау, әр азаматтың өз еркімен таңдауына мүмкіндік беру екенін айтты.

«Облыс бойынша 1074 сайлау учаскесі болса, соның барлығына байқаушылар белгіленіп, олардың бәрі оқу-тәжірибеден өткізіледі. Бүгінде өңірлік орталықта құрамы төрт адамнан тұратын штаб құрылды. Олар кезең-кезеңімен брифингтер, семинар-тренингтер мен нұсқаулық жиындар өткізіп, байқаушылардың функциональды міндеттерін түсіндірмек», - деді өңірлік сайлауды бақылау жөніндегі қоғамдық комиссияның төрағасы. Сонымен қатар, баспасөз мәслихатына қатысқан облыстық сайлау орталығының мүшесі Алтынбек Кәттебеков сайлау жұмыстары бекітілген күнтізбеге сай жүргізіліп жатқанын хабарлады.

Жалпы, облыс бойынша сайлауға 1279 кандиданттан ұсыныс келіп түссе, олардың ішінде 11 ұлт өкілдері мен 93 әйел бар екен. Бүгінгі 17 ақпандағы мәлімет бойынша 85 кандидат тіркелген. Жиын соңында Д.Шерімқұлов ОҚО бойынша өңірлік жәрдемдесу орталығының белсенді азаматтарды сайлаудың әділ де, ашық өтуін бақылауға қатысуға шақырды. Бұл туралы толыққанды ақпаратты Шымкент қаласы, Желтоқсан көшесі, 7-А мекенжайынан немесе 8(7252) 39 30 56, факс/ 39 23 30 байланыс нөмірлері арқылы білуге болады.