• Басты
  • Талдықорғанда электр қуаты 300 МВт ЖЭО салынады
18 Ақпан, 2016 18:46

Талдықорғанда электр қуаты 300 МВт ЖЭО салынады

Тұрғын үй коммуналдық шаруашылығын жаңғырту бағдарламасы аясында Алматы облысында жылумен қамтамасыз етуге бағытталған 14 жоба жүзеге асырылуда, оның 6 жобасы - «Нұрлы жол» бағдарламасы бойынша. Бұл туралы облыс әкімі Амандық Баталов облыс тұрғындары алдындағы есепті кездесуінде айтты.
Талдықорғанда  электр қуаты 300 МВт ЖЭО салынады

Жиын барысында белгілі болғанындай, облыста электр тарату желісінің қуаты 220 кВ құрайтын «Қаскелең» аралық станциясының құрылысы аяқталған. Электр желісінің қуаты 110/10 кВ-тық «Көкөзек» аралық станциясы құрылысының жобалық-сметалық құжаттамалары әзірленуде. Бұл жоба мемлекеттік-жекеменшік әріптестік негізінде іске асырылатын болады.

Аталған жобаларды жүзеге асыру арқылы Қарасай, Жамбыл және Іле аудандарын электр қуатымен үздіксіз қамтамасыз ету және осы аудандардағы электр қуатына түсетін салмақты толығымен қанағаттандыруға ықпал етеді.

Жалпы облыстағы энергия қуатының тапшылығы мәселесі Талдықорған қаласында жылу электр станциясының салынуымен шешімін табатын болады. Бүгінгі күні 300 МВт электр қуаты мен 440 ГКалл жылу энергиясын өндіретін станцияның құрылысын жүргізетін ірі компаниямен 2 жақты меморандумға қол қойылды.

Барлық жаңалықтар