Е.Ыдырысов: Қазақстан бәсекелі, ашық әрі әділетті сайлау өткізу қағидасын ұстанады (ФОТО)

17 Ақпан, 2016 16:37

Қазақстан бәсекелі, ашық әрі әділетті сайлау өткізу қағидасын ұстанады, деді ҚР Сыртқы істер министрі Ерлан Ыдырысов кезектен тыс парламент сайлауын бақылауға келген ЕҚЫҰ/ДИАҚБ Миссиясының демократия және адам құқығы жөніндегі басшысы Борис Фрлецпен болған кездесуде.

«Алдағы парламент сайлауы еліміздің тәуелсіздігін одан әрі нығайтатын кезекті қадам болатынына сенімдімін. Біз бұл сайлаудың қалай өтендігіне айрықша маңыз береміз. ҚР Конституциясындағы сайлау туралы заңнамада үміткерлерге қойылатын талаптар мен сайлау өткізу құқықтары анық жазылған»,-деді ведомство басшысы.

Е.Ыдырысов сайлауға 11 халықаралық ұйымнан және 19 елдің ОСК-нан өкілдер келіп бақылайтынын атап өтті.

Б.Фрлец қазақстандық тарапқа сайлауды бақылауға мерзімді шақыртуы мен миссияның жұмыс істеуіне қолайлы жағдай жасағаны үшін алғыс айтты. ЕҚЫҰ/ДИАҚБ Миссиясы ҚР Парламент Мәжілісі депутаттарын сайлауды бақылауға 17 ақпаннан бастап ресми түрде кірісті.

Тараптар осы жылдың 20 науырызында өтетін сайлауға байланысты елдік, аймақтық және жаһандық контекстерді талқылады.