Астанада Мемлекеттік басқару академиясы мен ЕҚДБ арасындағы ынтымақтастықтың болашағы талқыланды (ФОТО)

17 Ақпан, 2016 17:58

Қазақстан Республикасы Президентінің жанындағы Мемлекеттік басқару академиясында ректор Болатбек Абдрасиловтың Еуропалық қайта құру және даму банкінің (ЕБРР) Қазақстан бойынша директоры Джанет Хэкманмен кездесуі болып өтті. Оған ЕБРР директорының Қазақстан бойынша орынбасары, бас өңірлік экономисі Агрис Прейманис, Еуропалық Одақтың «Қазақстан Республикасының мемлекеттік қызмет реформасы» жобасының сарапшылары мен Академия қызметкерлері қатысты.

Қазақстанның мемлекеттік органдары, квазимемлекеттік сектор мен бизнес құрылымдарының қызметкерлері үшін бірлескен білім бағдарламаларын әзірлеу мәселесі бойынша Академия мен ЕБРР арасындағы ынтымақтастықтың келешегі талқыланды.

"Бұл бағдарламаларда ЕБРР-дің инвестициялық жобалар мен бағдарламаларды іске асырудағы озық тәжірибесі пайдаланылды, шетелдік инвесторларды тарту әдістері мен тетіктері, жобалық менеджменттің үздік құралдары ұсынылды, шағын және орта бизнесті қаржыландырудың рәсімдері, инфрақұрылымды және экономиканың басқа маңызды салаларын дамыту мәселелері қарастырылды", - деп хабарлады Академияның баспасөз қызметі.

ЕБРР директорының Қазақстан бойынша орынбасары, Оксфорд университетінің экономика докторы Агрис Прейманис Академия магистранттары мен докторанттары үшін «Өңірлік экономикалық перспективалар» тақырыбына лекция оқыды.

Барлық жаңалықтар