ИИДМБ: Ақтөбе облысында 2016 жылы 11,6 млрд теңгенің 10 жобасын жүзеге асыру жоспарланған

17 Ақпан, 2016 20:27

Индустрияландыру Картасына құрылыс кезеңінде 13,4 мың жұмыс орнын және пайдалану кезеңінде 12,8 мың жұмыс орнын аша отырып, құны 800,1 млрд. теңгенің 91 инвестициялық жобасы енгізілді, деп хабарлады облыстың ішкі саясат басқармасы.

ИИДМБ бірінші бесжылдығы ауқымында жалпы сомасы 552,7 млрд. теңгенің 71 нысаны іске қосылды, 6,6 мың жаңа жұмыс орны ашылды.

Индустриялық-инновациялық дамуының мемлекеттік бағдарламасының екінші бесжылдығының бірінші жылы 6,3 млрд. теңгенің 7 жобасы іске асырылды. Бұған қоса, 2015 жылы іске қосылған инвестициялық жобалардың үлесі өнеркәсіп өндірісі жалпы көлемінің 14% немесе 137,0 млрд. теңге құрады.

2016 жылы 11,6 млрд. теңге сомасына 594 жұмыс орнын аша отырып, 10 инвестициялық жоба, соның ішінде:«КазИнРусс-трейдинг» ЖШС шағын тоннажды мұнай өңдеу зауытын;«Үй құрылысы комбинаты» ЖШС «Weckenmann» компаниясының герман технологиясы бойынша жылына 50 мың шаршы метр қуаты бар үй құрылысы комбинатын;«PLANSRL» ТОО «ASBI SAT GROUP» итальян технологиясы бойынша темірбетон бұйымдары өндірісін кеңейту;«Ұлан компаниясы» ЖШС өндірістік - өнеркәсіптік кешенін;«КазИнРусс-трейдинг» ЖШС шағын тоннажды мұнай өңдеу зауытын іске қосу жоспарланып отыр.

Қытай Халық Республикасының әлеуетті инвесторларымен бірге бірқатар инвестициялық жобаларды: цемент зауытының құрылысы, калий тыңайтқыштары, күрделі азотты – фосфорлы суда ерігіш тыңайтқыштар өндірісін ұйымдастыру және т.б. іске асыру пысықталуда.

Барлық жаңалықтар