Ақтөбе облысында 2016 жылы шығыстар көлемі 147,5 млрд теңгені құрады
17 Ақпан, 2016 17:42
2015 жылы облыстық бюджет кірістер бойынша 105,3% орындалды, нақты түсім болжанған 82,9 млрд. теңге 87,3 млрд.теңге құрады, деп хабарлады облыстың ішкі саясат басқармасы.
Облыс бюджеті республикалық бюджеттен бөлінген трансферттерді, несиелерді ескергенде 154,6 млрд. теңге құрады. Негізгі қаржыландыру әлеуметтік салаға: білімге – 53,3 млрд.теңге (шығынның жалпы көлемінен 34,4 %), денсаулық сақтауға – 22,8 млрд.теңге (14,7%), әлеуметтік жәрдем мен әлеуметтік қамтуға – 5,1 млрд.теңге (3,7%), мәдениетке, спортқа, туризмге – 9,7 млрд.теңге (6,3%) және т.б жұмсалды.
2016 жылы кірістер бойынша жоспар 88,0 млрд. теңге құрайды. 2016 жылға шығыстар көлемі республикалық бюджеттен бөлінген трансферттерді, несиелерді ескергенде 147,5 млрд. теңге көлемінде бекітілді.
