VI Азаматтық форум мемлекеттік органдар мен ҮЕО жұмысына жаңа серпін береді – Б. Сағынтаев

«VI Азаматтық форумы мемлекеттік органдар мен үкіметтік емес ұйымдардың жұмысына жаңа серпін беретініне сенімдімін. Мен «ҮЕО мемлекеттік қолдау» жобасының заңы дайындалғанын білемін. Ол көптеген проблемалық сұрақтардың шешуіне әкеледі. Аталмыш заңды форум алаңында ҮЕО пікірімен бөлісіп талқылаған жөн болар еді», - деді Б. Сағынтаев.

Оның айтуына қарағанда, мемлекет пен азаматтық қоғам еліміздің дамуының мәселелері бойынша жауапкершілікті бірге мойнына алып отырған бірлескен ынтымақтастыққа қол жеткізіп отырмыз.

 «Бір жыл бұрын Елбасы мемлекетіміздің 2050 жылға дейінгі даму стратегиясын айқындады. Біз әлемнің ең дамыған отыз елінің қатарына қосылуды мақсат етіп отырмыз. Бұл мақсатқа тек мемлекет, қоғам мен әрбір қазақстандық бірлесе күш салғанда ғана жете аламыз. Бұл жерде азаматтық қоғам институтының рөлі ерекше. Елбасы осыны ерекше атап өткен болатын», - деп түйіндеді Б.Сағынтаев.

Б. Сағынтаевтың айтуынша, Үкіметтік емес ұйымдармен бірлескен жобаларды жүзеге асыруға биылғы жылы мемлекет 6 млрд теңгеден астам қаражат бөлді. Бұл бағыттағы динамика әлеуметтік мәселелерді шешу саласындағы азаматтық сектордың бастамашылдығының дамуына сәйкес әрі қарай да сақталады.