• Басты
  • Осы жылы Қарулы Күштерде сержанттар мен сарбаздар құрамының аттестатталуы өтеді (ФОТО)

Осы жылы Қарулы Күштерде сержанттар мен сарбаздар құрамының аттестатталуы өтеді (ФОТО)

18 Ақпан, 2016 08:37
Биылғы жылы 2016 жылғы наурыздың 1-і мен қарашаның 1-і аралығында Қарулы Күштердің барлық әскери бөлімдері мен бөлімшелерінде сержанттар мен сарбаздар лауазымдарында отырған келісімшарт бойынша әскери қызметшілердің аттестатталуы өткізіледі, деп хабарлады Қорғаныс министрлігі.

Аттестаттаудың басты мақсаты және міндеті әрбір әскери қызметшінің кәсіби және жеке қасиеттеріне, әлеуетті мүмкіндіктеріне жан-жақты әрі дәйекті сипаттама беру, аттесталатын әскери қызметшілердің атқарып отырған лауазымдарына сәйкестігі мен олардың әрі қарай қызмет өткеруінің перспективасын айқындау болып табылады. 

  Аттестаттау барысында келісімшарт бойынша әскери қызмет өткеріп жүрген әскери қызметшілердің қызмет ету мерзімін ұзартудың мақсатқа сәйкестігі айқындалады, әскери қызметшілерді даярлау және қайта даярлауды жетілдіру бағыттарын анықтау мен қызмет бойынша ілгерілету немесе оқуға жіберу үшін кадрлық резерв құрылады. Аттестаттау төрт кезеңде өткізіледі.  Бүгінгі күні барлық әскери бөлімдерде командирлердің шешімімен аттестаттау комиссиясы құрылды. Оларға әскери қызметшілерге жасалған  аттестаттау материалдарын қарау және олардың қызметті әрі қарай өткеруі жөнінде тиісті шешім қабылдау жүктеледі.

Аттестаттауды дайындау және құру кезінде психологиялық тестілеу, жауынгерлік даярлық пәндері бойынша сынақтарды тапсыру нәтижелері, сыныптық біліктіліктің болуы, тікелей бастықтың мінездемесі мен ұсынымдары ескеріледі. Аттестаттау қорытындысы бойынша жоғары лауазымдарға ілгерілету және оқуға жіберу үшін сержанттар (старшиналар) мен сарбаздардың (матростар)  резервісі құрылады.  2015 жылы Қазақстан Қарулы Күштерінің офицерлері аттестаттаудан өткенін естеріңізге сала кетейік. 100 % аттестатталғандардың  97,4 %  өздерінің атқарып отырған лауазымдарына сәйкестігін растады.  Бұл өзіндік қайта емтихан тапсыру болып келеді. Аталмыш сынақтың мақсаты әр офицердің кәсіби, іскерлік және жеке қасиеттерін, әлеуетін, оның атқарып отырған әскери лауазымға сәйкес келуін айқындау болып табылады.


 

Барлық жаңалықтар