Екатеринбургте «Біз-миллиондаған панфиловшылармыз!» еске алу вахтасы өтті (ФОТО)
Халықаралық зерде вахтасы 2015 жылғы қазанда Орынбор қаласында басталды. Сосын жалау Челябинск, Новосибирск және Алматы қалаларында болды. Алматы қаласында аты аңызға айналған 316-шы атқыш дивизиясының командиры Иван Васильевич Панфиловтың немере қыздары Екатеринбург қаласына жалауды тапсырды.
Екатеринбург вахтаға қатысып жатқан бесінші қала. Қызыл әскерінің қарсы шабуылының 75-ші жылдығына орай, ол 2016 жылғы қазан айында Мәскеу қаласында аяқталуға тиіс.
Орал федералды өңірінің және Свердловск облысының басшылығы, Орталық әскери өңірінің басшылығы, дипломатиялық корпус, Қазақстан және Орталық Азия халықтарының өкілдері, ардагерлер мен қоғамдық ұйымдар, Орал мемлекеттік педагогикалық университетіндегі «Стикс» зерттеу жасағының мүшелері рәсімге қатысты.
«Ресейдің зерттеу қозғалысы» Жалпыресейлік қозғалысының» Свердловск аймақ бөлімінің басшысы Татьяна Хардина іс-шара шеңберінде хабарсыз жоғалған болып саналатын Свердлов облысының Нижне-Сергинск ауданында 1919 жылы туылған жауынгер Петр Ябековтың сарбаз медальонын және мұрағаттық құжаттарын туысқандарына табыс етті. Оның сүйектері «Победа» зерттеу жасағымен Тверь облысының Ржев ауданындағы Соломино ауылында табылған.
