Қазақстандағы сайлауға ЕҚЫҰ атынан 40 байқаушы аккредиттелді

17 Ақпан, 2016 11:03

2016 жылғы 17 ақпанда Орталық сайлау комиссиясы Қазақстан Республикасы Парламенті Мәжілісінің партиялық тізімдер бойынша сайланатын депутаттарын сайлауда саяси партияларға дауыс беруге арналған сайлау бюллетенінің мәтінін бекітті және сайлауды байқау жөніндегі ЕҚЫҰ/ДИАҚБ Миссиясының тағы 28 байқаушысын аккредиттеді. Осыған дейін ЕҚҰ атынан 12 байқаушы аккредиттелген болатын.

«Олар 19 елді таныстырмақ: Аустрия, Германия, Грузия, Дания, Ирландия, Молдова, Нидерланды. Байқаушылардың басым бөлігі Ресейден -6, Германиядан-5, АҚШ пен Ұлыбританиядан 4 бақылаушы бар», - деді Т.Охлопкова

Сонымен қатар ҚР ОСК «2016 жылғы 20 наурызға тағайындалған Қазақстан Республикасы Парламенті Мәжілісі депутаттарының кезектен тыс сайлауына және мәслихаттары депутаттарының кезекті сайлауына халықаралық ұйымның байқаушыларын аккредиттеу туралы» қаулы қабылдады.

“Аталған қаулыға сәйкес Ортсайлауком Қазақстан Республикасы Сыртқы істер министрлігінің ұсынуы бойынша сайлауды байқау жөніндегі ЕҚЫҰ/ДИАҚБ Миссиясының тағы 28 байқаушысын аккредиттеді.Шет мемлекеттер мен халықаралық ұйымдардың байқаушыларын аккредиттеуді Ортсайлауком 2016 жылғы 14 наурызға дейін жүзеге асырады”, - деді ол.

Ботагөз Айтжанова

Барлық жаңалықтар