Бельгиялық жетекші компаниялар ЭКСПО-2017 көрмесінде таныстырылады (ФОТО)

Үкімет басшысының орынбасарымен, Валлония аймағының экономика, білім беру, коммерция және жаңа технологиялар министрі Жан-Клод Маркурмен жүргізілген келіссөздер кезінде Қазақстан мен Бельгия арасындағы екіжақты қатынастың даму мүмкіндіктері мен қазіргі жағдайы талқыланды. 

Тараптар компанияның «жасыл» экономика саласында қатысуы Қазақстан мен Бельгия ынтымақтиастығының бірлігін жаңа кезеңге шығаратынын айтты. Бельгиялық министрдің айтуынша, 2050 жылға таман корольдіктің бар энергетикасын баламалы энергия көзіне көшіру мақсаты қойылған. Бельгияның ЖЭЖ сәйкес 2020 жылға қарай баламалы энергияның 12 пайызын өндіру қарастырылған. Ж.-К. Маркур бельгиялық компаниялар «жасыл» энергетика саласында тәжірибе алмасуға мүдделі екенін айтты.

Р.Жошыбаев ЭКСПО-2017 көрмесіне дайындық жайлы айтып, бельгиялық бизнесмендерді халықаралық көрмеге қатысуға шақырды. ЭКСПО-2017 комиссарының сөзіне қарағанда, елдің ірі «CMI Group» компаниясы көрмеге қатысуға қызығушылық танытты. Сапар барысында Р.Жошыбаев «Green win» ұйымында да болды.

ЭКСПО-2017 комиссары Қазақстанда бизнесті дамыту үшін жасалған жағдайды және ҚР-дағы инвестициялық климаттың қолайлылығын айтты. Келіссөздер соңында бельгиялық компания басшысы көрмеге қатысуға дайын екенін жеткізді.