«Мәңгілік ел» пойызы Ағадыр ауылында 300-ден астам адамға қызмет көрсетті (ФОТО)

«Сіздер Президенттің тапсырмасын орындай отырып, үлкен міндетті жүзеге асырып жатырсыздар. Барлық ауыл мен қалаларды «Мәңгілік ел» ортақ ұранымен біріктіру жұмысы жүзеге асты. Пойыз құрамындағы дәрігерлерге алғысымды білдіремін. Бүгін 328 адамға көмек көрсетіп, тексерістен өткіздіңіздер. Министрліктер мен ХҚКО қызметкерлерінің түсіндіру жұмыстары да өте үлкен әсер берді», - деді Ақзам Сембаев пойыз өкілдеріне.

Айта кетерлігі, пациенттерді «Мәңгілік»  пойызына дайындау алдын ала басталды. Аудандық аурухананың директоры Даут Нұртаев айтқандай, 20 күн бұрын үгіт пойызының келетіні белгілі болғанда, ауылдық дәрігерлер тексеріске жіберілетін пациенттерді қарастыра бастады.

«Дәрігерлердің келуі халық үшін өте пайдалы.Астана мен Қарағанды қалаларынан іздейтін мамандар ауылдық жерлерге өздері шығып жүр», - деді ол.

«Балалар әр түрлі патология бойынша келуде. Ағадырға бекер келмегініміз көрініп тұр, бізге мамандарға мұқтаж халық бөлігін ұсынды. Балалар кесте бойынша келіп, өткен тексерістің қорытындысымен танысып жатыр. Оған сәйкес біз тәжірибелік көмек көрсете аламыз», - деді үгіт пойызының эндокринолог маманы Гүлмира Әбдуахасова.