Астаналық студенттер «Нұр Отан» партиясының саяси Доктиринасын қолдайды
14 Қараша, 2013 11:35
С. Сейфуллин атындағы Қазақ агротехникалық университетінің студенттері «Нұр Отан» партиясының жаңа саяси Доктринасын қолдайтындықтарын білдірді, деп партияның баспасөз қызметі хабарлады.
«Біз, ҚазАТУ студенттері, партия Доктринасын «Қазақстан-2050» стратегиясын іске асырудағы маңызды құжат ретінде қабылдаймыз. Партия Доктринасы нұрлы болашақ игілігі үшін қолға алынып жатқан жүйелі жоспардың іске асырылуына мүмкіндік беретініне сенеміз», -делінген үндеу мәтінінде.
Үндеу ҚР Парламенті Сенаты мен Мәжілісінің депутаттары Светлана Жалмағамбетова мен Оразгүл Асанғазының қатысуымен өткен С. Сейфуллин атындағы Қазақ агротехникалық университетінің «КазАГРО» бастауыш партия ұйымының отырысында қабылданды.
Халық қалаулылары жастармен кездесіп, Қазақстанның экономикалық даму перспективалары туралы әңгімеледі, партия Доктринасын қоғамға таныстырудың маңыздылығын атап, оның мазмұны, идеологиялық негіздемесі мен мағынасын түсіндірді.
