Қазақстанның халқы бір жыл ішінде 253,6 мың адамға көбейді - ҰЭМ

17 Ақпан, 2016 08:37

2016 жылғы 1 қаңтарға еліміздегі халық саны 17671,0 мың адамды құрады, соның ішінде қалалықтар – 10066,7 мың (57%), ауылдықтар – 7604,3 мың адамды (43%) құрады. 2015 жылғы 1 қаңтармен салыстырғанда халық саны 253,6 мың адамға немесе 1,46% өсті, деп хабарлады Ұлттық экономика министрлігі.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2015ж. қаңтар-желтоқсанда туылғандар саны 398,6 (2014 жылғы қаңтар- желтоқсанда – 401,1) мың адамды құрады, бұл 2014ж. қаңтар-желтоқсанға қарағанда 0,6% аз. Туу кезектілігі бойынша бірінші, екінші және үшінші туғандардың үлес салмағы сәйкесінше 34% (37%), 28% (27%) және 18% (17%) құрады. Туудың жалпы коэффициенті 1000 адамға 22,72 (23,20) туылғандарды құрады.

2015 ж. қаңтар-желтоқсанда республика халқының табиғи өсімі 2014ж. қаңтар-желтоқсанмен салыстырғанда 2,1 мың адамға немесе 0,8% азайып, 266,7 (268,8) мың адамды құрады. Табиғи өсімнің жалпы коэффициенті 1000 адамға шаққанда 15,20 (15,55) адамды құрады.

2015 жылғы қаңтар-желтоқсанда республикада 1 жасқа дейінгі 3742 (3943) нәресте өлімі тіркелді. 2014 жылғы қаңтар-желтоқсанмен салыстырғанда 1 жасқа дейінгі шетінеген нәресте саны 5,1% азайды. 2015 жылғы қаңтар-желтоқсанда нәресте өлім-жітімінің коэффициеті 1000 туғандарға шаққанда 9,39 (9,83) құрады. Нәресте өлім-жітімінің негізгі себебі - перинаталдық кезеңде пайда болатын жағдайлар, бұдан 2015 жылғы қаңтар-желтоқсанда 1973 (2156) нәресте қайтыс болып, нәрестелер арасындағы жалпы өлім санының 52,7% (54,7%) құрады.

Барлық жаңалықтар