Қостанай облысында ЖҚЖК-2020 бағдарламасы 24,6 мың адамды қамтыды
16 Ақпан, 2016 11:47
Қостанай облысында ЖҚЖК-2020 аясында 24,6 мың адам жұмыспен қамтылды. Бұл туралы облыс әкімі Архимед Мұхамбетов ОКҚ-да мәлімдеді.
«2011 жылдан бастап Жұмыспен қамтудың жол картасы-2020» бағдарламасы жүзеге асырылуда. Бағдарлама аясында 2015 жылы 2 млрд теңге бөлінді», - деді әкім.
Әкімнің айтуынша, 17 әлеуметтік-мәдени нысанға жөндеу жұмыстары жүргізілді. 3 дәрігерлік амбулатория мен 406 адам шағын несие алды. Оның 265-і өз істерін ашты.
«Қорытындысында жұмыспен қамту шаралары бойынша 24,6 мың адам немесе 163 пайыз қамтылды», - еді ол.
Сондай-ақ, облыста әлеуметтік-әлжуаз адамдарды қолдау бойынша жұмыстар атқарылуда. Өткен жылы әлеуметтік көмекті 62,4 мың адам 1412 млн теңгеге алған болатын.
Индира Кауметова
