Қ.Елубаев: Ұлт жоспарын іске асыру үшін жаңа көзқарасы мен тәсілдері бар адамдар қажет

16 Ақпан, 2016 11:38

Ұлт жоспары «100 нақты қадамды» тәжірибелік жағынан іске асыру үшін жаңа адамдар, жаңа үлгі мен тәсілдер керек, деп «Қаһарман ұрпақ» қоғамдық қорының президенті, ауған соғысының ардагері Қайрат Елубаев Strategy2050.kz АА берген сұхбатында айтып өтті.

«Мен Қазақстан Республикасы Парламент Мәжілісі мен барлық деңгейлі мәслихаттың мерзімінен бұрын болатын сайлауын қолдаймын. Бұл қадам уақытылы және дұрыс жасалды. Өйткені қазіргі шақырылым өздерінің жұмыстарын атқарып болды. Қазіргі депутаттың құрамы Ұлт жоспары – «100 нақты қадам» атты еліміздің жаңғырту жөніндегі ауқымды бағдарламасын іске асыру үшін заңнамалық негіз дайындады»,-деді Қ.Елубаев.

Қоғамдық қордың президенті айтып өткендей, ендігі күні аталмыш бағдарламаны тәжірибе жүзінде іске асыру үшін жаңа адамдардың көзқарасы, тәсілдері және үлгісі керек.

«Бүгінгі күні, патриоттық сезімі биік, қоғаммен және халықпен жұмыс істей алатын жаңа адамдар керек. Олар халықтың мұңын сезіне білуі тиіс. Олар қоғамдық жетекшілер, бизнесмендер және т.б. Осы сынды адамдарды Мәжіліске сайлауымыз керек. Ол спалы түрде жаңартылуы керек»,-деді ардагер.

Естеріңізге сала кетейік, Мемлекет басшысы V шақырылымдағы Парламент Мәжілісі өкілеттігін тоқтату туралы Жарлығына қол қойды. Мерзімінен бұрын сайлау 2016 жылы 20 наурызда өткізіледі.

Анар Тәңірқұлова

Барлық жаңалықтар