Қазақстанда донорлық жүректің екінші трансплантациясы сәтті өткізілді
14 Қараша, 2013 10:28
Ұлттық ғылыми кардиохирургия орталығының мамандары Қазақстанда донорлық жүректің екінші трансплантациясын сәтті өткізді. Бұл Алматыдан әкелінген донорлық жүректі теңдессіз медицина қондырғысы арқылы транспортталуы нәтижесінде мүмкін болды, деп хабарлайды «Ұлттық ғылыми кардиохирургия орталығы» АҚ-ның баспасөз қызметі.
«6 қарашада «ҰҒКО» АҚ трансплантациялау бюросына Алматыда бас миы ақауынан қайтыс болған потенциалды донор бар екені жайлы ақпарат келіп түседі. Жақын туыстары марқұмның сау мүшелерін мұқтаж жандарға трансплантациялауға ерікті түрде келіседі. Сонымен аталмыш донорлық жүрек Алматыдан OrganCareSystem (TransMedics, АҚШ) атты теңдессіз медицина қондырғысы арқылы алдырылады. Айта кетейік, бұл қондырғы Австралия, АҚШ және Германия елдерінің үш клиникасында ғана қолданылады.
Донорлық жүректі трансплантациялау операциясы сәтті жүргізілді. Қазірде пациенттің жағдайы тұрақты.
Сонымен қатар, аталмыш ота Санитарлы авиация Республикалық координациялық орталығы мен бірқатар республикалық клиниканың жұмыла жұмыс істеуі арқылы мүмкін болып отыр.
