Алматы облысында БЖК-2020 аясында 16,5 млрд теңгенің 258 жобасы қолдануда

16 Ақпан, 2016 10:21

«Бизнестің жол картасы - 2020» бағдарламасы аясында жалпы сомасы 16,5 млрд.теңгеге 258 жоба мемлекеттік қолдауға ие болды, соның ішінде 130-ы – пайыздық мөлшерлемені субсидиялау, 96-сы – несиелерді ішінара кепілдендіру бойынша, деп өңір басшысы Амандық Баталаов халық алдында есеп беруінде.

Сомасы 35 млн.теңгеге 23 грант берілді, 1,4 млрд.теңгеге 9 жоба бойынша жетпей тұрған инфрақұрылым салынды. Қаблыданған шаралар нәтижесінде 373 жұмыс орны құрылып, 2910 жұмыс орны сақталды.

Ұлттық қор қаржысы есебінен Қазақстан Даму Банкі арқылы өңдеуші өнеркәсіпте сомасы 6,3 млрд.теңгеге облыстың 8 ірі кәсіпкерлік субъектісі несие алды. Ұлттық қордан «Даму» қоры арқылы 79 шағын және орта бизнес (ШОБ) субъектілеріне 21,1 млдр.теңгеге несие берілді.

ШОБ-қа қолдау көрсету мақсатында «Даму» қорына субъектілерді төменгі сыйақы мөлшерлемесімен (6,5%) несиелендіру үшін жергілікті бюджет есебінен 500,0 млн.теңге бөлінген. 2016 жылғы 1 қаңтардағы жағдай бойынша сомасы 1 млрд.теңгеге 35 несие берілген.

«Жұмыспен қамтудың жол картасы - 2020» бағдарламасы шеңберінде 1,6 млрд.теңгеге 704 адам шағын несие алды, қосымша 837 жұмыс орны құрылды.