«Нұр Отан» партиясының атауы сайлау бюллетенінде бірінші жазылады (ФОТО)
16 Ақпан, 2016 09:32
«Нұр Отан» партиясының атауы сайлау бюллетенінде бірінші болып жазылады. Бұл жөнінде Қазақстан Республикасы Орталық сайлау комиссиясында сайлау бюллетеніне саяси партиялардың атауларын енгізу бойынша жеребе тартылған кезде белгілі болды.
«Таңдалған нөмірлер бойынша сайлау бюллетеніне саяси партиялардың атаулары енгізіледі»,-деп саяси партиялардың төрағаларына ҚР ОСК төрағасы Қуандық Тұрғанқұлов отырыс кезінде айтып өтті.
Осылайша, «Нұр Отан» партиясының атауы бірінші болып жазылады, Қазақстанның «АҚ ЖОЛ» Демократиялық партиясы-3, «Ауыл» халықтық-демократиялық патриоттық партиясы-6, Қазақстан
Коммунистік халық партиясы-2, Жалпыұлттық социал-демократиялық партия-5, «Бірлік» Саяси Партиясы-4 болып жазылады.
Естерінізге сала кетейік, 2016 жылы 20 наурызда Қазақстан Республикасы Парламент Мәжілісі мен барлық деңгейлі мәслихаттың мерзімінен бұрын сайлауы өтеді.
Ботагөз Айтжанова
