ЕҚЫҰ ПА төрағасы: Қазақстан-ұйымның негзігі құндылықтарын бөлісетін жауапты әрі сенімді серіктес

16 Ақпан, 2016 09:12

Хельсинкте Финляндиядағы Қазақстанның елшісі Ғалымжан Қойшыбаевтың ЕҚЫҰ Парламенттік Ассамблеяның төрағасы Илкко Канервапен кездесуі өтті, деп ҚР СІМ хабарлайды.

Қазақстандық дипломат өзінің әңгімелесушісіне 20 наурызда өткізілетін ҚР Парламент Мәжілісі мен барлық деңгейлі мәслихаттың мерзімінен бұрын сайлауын айтып өтті. Ғ.Қойшыбаев ішкі құқық және сайлау үрдісіндегі халықаралық стандарттарға сәйкес Қазақстанның ашық түрде, транспарентті сайлау өткізуге дайын екендігін айтып өтті. Сонымен қатар, кездесу барысында сайлаудың жариялығы мен ашқтығы халықаралық бақылаушылар институтымен қамтамасыз етілетіндігі және Қазақстан олардың сайлау науқанында жедел түрде мониторинг жұмыстарын жүргізеді деп сенетінтігін айтып өтті.

ЕҚЫҰ ПА төрағасының айтуынша, Қазақстан жауапты әрі сенімді серіктес және олар ұйымның негізгі құндылықтарын бөліседі. Оның ішінде сайлау үрдісі де кіреді. Ол 2010 жылы ЕҚЫҰ төралығы кезіндегі Қазақстанның үлесін жоғары бағалады.

Барлық жаңалықтар