Қазақстандықтар белсенді депутаттардың келуін күтуде – сауалнама көрсеткіші

15 Ақпан, 2016 19:32

Парламент Мәжілісі мен мәслихат сайлауына бір айдан астам уақыт бар. Осыған орай Strategy2050.kz АА Астана тұрғындары арасында сайлауалды науқан бойынша сауалнама жүргізді.

Асхат Ибраев, кәсіпкер:

Парламент Мәжілісінің қазіргі құрамы өз міндетін орындады. 100-ге жуық заң қабылданды. Бірақ, қазіргі таңда ол аздық етеді. Сондықтан да бізге қазіргі жағдайға жаңа баға беретін адамдар қажет. Мен кәсіпкер ретінде жаңа депутаттардың келуін қалаймын, олар Мемлекет басшысы қойған стратегиялық маңызды шараларды белсенді жүзеге асырулары керек. Біздің Президент бизнесте барлық кедергілердің жойылғанын қалайды.

Тамара Проценко, зейнеткер:

Елбасының Жолдауында қарапайым адамдарға қолдау көрсету туралы молынан айтылды. Бұл Президенттің өте тиімді бастамасы. Жәрдемақы мен жалақының көбеюі өзге елде кездесе бермейтін құбылыс. Елбасы ең алдымен халықтың қалауын ескереді. Елбасының Жолдауын жүзеге асыру үшін жаңа депутаттар қажет. Сондықтан да мерзімінен бұрын сайлауды қолдаймын.

Толқын Сандыбаева: ұстаз:

Өткен жылы Президент сайлауы өткен болатын. Біздің Көшбасшы дауыс басымдылығымен жеңіске жетті. Енді Парламенттің сайлауы өтетіні белгілі. Бұл біздің елдегі өте маңызды сәттердің бірі. Меніңше, барлық әріптестерім менімен келіседі. Мен де сайлауға қатысамын.

Айта кетейік, Елбасы Мәжіліс пен барлық деңгейлі мәслихат сайлауын 20 наурызда өткізу туралы шешім қабылдады.

Данияр Қасымов