• Басты
  • 2015 жылы мемлекеттік еңбек инспекторлары 41 мыңнан астам жұмыскердің құқығын қорғады
16 Ақпан, 2016 08:37

2015 жылы мемлекеттік еңбек инспекторлары 41 мыңнан астам жұмыскердің құқығын қорғады

2015 жылы мемлекеттік еңбек инспекторлары республиканың 1216 кәсіпорнында 42,8 мың жұмыскер алдында жалақы бойынша 5,4 млрд. теңгеден аса қарыз бар екенін анықтады, деп хабарлады ҚР Денсаулық сақтау және әлеуметтік даму министрлігінң баспасөз қызметі.
2015 жылы мемлекеттік еңбек инспекторлары 41 мыңнан астам жұмыскердің құқығын қорғады

Аталған кәсіпорындардың жетекшілеріне орындалуға міндетті 1151 ұйғарым беріліп, 108,7 млн. теңгеден астам сомаға айыппұл салынды.   

Қолданылған шаралардың нәтижесінде, сонымен қатар, жалақы бойынша қарызды өтеудің мерзімі мен кестесін қатаң белгілеу арқылы 41 мыңнан астам жұмыскердің құқығы қорғалып, нәтижесінде оларға 4,9 млрд. теңге төленді.    

Жалпы, өткен жылы мемлекеттік еңбек инспекторлары 11421 тексеру жүргізді. 19 мыңнан астам ҚР еңбек заңнамасын бұзу фактілерін анықталып, 429 млн. теңге сомаға айыппұл салынды.  

 

Барлық жаңалықтар