С.Ершов: Қазақстанда заңнамалық билікті жандандыру үшін көппартиялы Мәжіліс қажет

15 Ақпан, 2016 15:57

Қазақстандағы заңнамалық билікті жандандыру үшін көппартиялы Парламент Мәжілісі керек, деп Парламент Сенатының депутаты Сергей Ершов Strategy2050.kz АА берген эксклюзивті сұхбатында айтып өтті.

«Менің ойымша сайлау уақытылы өтуде. Барлық жағдайларға дайын бола білу үшін жаңартылған, тәжірибелі Парламент керек және олар Қазақстандағы, сондай-ақ әлемде болып жатқан экономикалық жағдайға жаңаша көзқараспен қарайтын болады. Айта кеткім келгені, көптеген депутаттыққа үміткерлерді өз басым жақсы танимын. Ол адамдар елдің дамуына көп еңбектенді және олар өз істерінің шебер мамандары»,-деді ол.

Сонымен қатар, сенатордың ойынша депутаттықтың жаңа корпусында түрлі партияның өкілдері болуы керек.

«Мен заң шығарушы органның көппартиялы болғанын қалаймын. Ол Мәжілістің жұмысын жандандырар еді, өйткені басқа партиялардың ойлары мен көзқарастары бізге маңызды. Алайда, өкінішке қарай кейбір саяси партиялар сайлау алдында ғана жанданады»,-деді С.Ершов.

Естеріңізге сала кетейік, Мемлекет басшысы V шақырылымдағы Парламент Мәжілісі өкілеттігін тоқтату туралы Жарлығына қол қойды. Мерзімінен бұрын сайлау 2016 жылы 20 наурызда өткізіледі.

Анар Тәңірқұлова

Барлық жаңалықтар