Е.Досаев: ЭКСПО-2017 нысандарының құрылысын аяқтауға 85 млрд теңге бөлiнедi

«ЭКСПО-2017 көрмесiн өткiзу үшiн нысандардың құрылысын уақытында аяқтау мақсатында 85 млрд теңге бөлiнедi. Сондай-ақ, 60 млрд теңге көрме контентiн қалыптастырып, IT инфрақұрылымды құру және басқа да шаралар үшiн бөлiнедi»,- деп мәлiмдедi министр.

Е.Досаевтың айтуынша, 15 млрд теңге ЭКСПО-2017 аумағындағы тұрғын үй мен сауда ойын-сауық орталығының құрылысын аяқтау үшiн бөлiнедi.

«10 млрд теңге ЭКСПО-2017 өткiзiлуiне орай Астана қаласы әуежайындағы терминал құрылысын уақтылы аяқтау және басқа да құрылыс жұмыстарына бөлiнедi», - дейдi Е.Досаев.

Айта кетейік, бүгiн Үкiмет отырысында Ұлттық экономика министрi Ерболат Досаев дағдарысқа қарсы қосымша жедел шаралардың төрт бағытын таныстырды. Олар – бiрiншi бағыт – ақша – несие саясатының тиiмдiлiгiн арттыру, қаржылық тұратылықты қолдау, екiншi бағыт – «Нұрлы жол» мемлекеттiк бағдарламасы аясында экономикалық қолдау жөнiндегi шараларды кеңейту, үшiншi бағыт – шағын және орта бизнестi және экономиканың негiзгi салаларын қолдау, төртiншi бағыт – iскерлiк белсендiлiк және халықты қамтуды қолдау.